Ma'lumotga ko'ra, Eron Tashqi ishlar vazirligi rahbari N'yu-Yorkka “Falastin-Isroil mojarosi va uning mintaqaviy inqiroz darajasiga ko'tarilish xavfi bo'yicha Eron Islom Respublikasining mintaqalararo va xalqaro maslahatlashuvlarini davom ettirish” uchun kelgan. Qayd etilishicha, Abdullaxon AQShga kelganidan so'ng darhol eronlik diplomatlar hamrohligida BMTga yo'l olgan.

Eron tashqi ishlar vaziri Husayn Amir-Abdulloxiyon BMT Bosh Assambleyasida so'zga chiqib, yopiq ogohlantirish bergan.
“Hozirda Falastinda genotsidni boshqarayotgan Amerika siyosatchilariga ochiq aytaman, biz mintaqada urushning kengayishini olqishlamaymiz. Ammo G'azodagi genotsid davom etsa, bu alanga ham ularni ayamaydi”, – deya vazirning so'zlarini keltiradi Reuters.

Ma'lumotlar ko'ra, Vashington so'nggi kunlarda Eronparast guruhlarning ehtimoliy hujumlarini oldini olish uchun, Yaqin Sharqdagi Amerika ob'ektlarini himoya qilishni kuchaytirdi.

Birlashgan Millatlar Tashkiloti Bosh Assambleyasining Falastin xalqini himoya qilish bo'yicha 10-favqulodda maxsus sessiyasida Arab davlatlari tomonidan tayyorlangan va Iordaniya tomonidan taqdim etilgan Yaqin Sharq mojarosi bo'yicha rezolyutsiyaning ovozga qo'yilishi bilan yakunlanishi kutilmoqda. Hujjat 13 banddan iborat bo'lib, ularning birinchisi zudlik bilan o't ochishni to'xtatishga chaqiradi.

Bundan tashqari, matnda G'azo sektorini zudlik bilan asosiy ehtiyojlar bilan ta'minlash, barcha tinch aholini ozod qilish, gumanitar yordamni to'siqsiz yetkazish talabi hamda Isroil rasmiylarining falastinliklarni boshqa joyga ko'chirish haqidagi buyrug'ini bekor qilishga chaqiriq bor.