Эндиликда Ҳиндистон Ой юзасига космик аппаратини қўндиришга эришган тўртинчи давлатга айланди. Бунгача бу ишни СССР, АҚШ ва Хитой уддалаганди.

Улар энди Қуёшга ўз аппаратларини учиришди. Мазкур миссия орқали ҳиндлар қуёш ҳақида янги илмий янгиликларни олишни хоҳлашмоқда.

Ҳиндистон Қуёшни кузатиш ва космик об-ҳаво хусусиятларини ўрганиш учун коинотга Адитя-Л1 автомат станциясини 2 сентябрь куни Адитя-Л1 автомат қуёш зондини муваффақиятли учирди, дея хабар қилди Ҳиндистон космик тадқиқотлар ташкилоти (ИСРО).

“Қурилма сунъий йўлдошни мўлжалланган орбитага аниқ олиб чиқди.

Ҳиндистоннинг биринчи қуёш расадхонаси Қуёш-Ер тизимининг Л1 нуқтасига (Лагранжа нуқтаси) саёҳатини бошлади

Л1 Ердан тахминан 1,5 млн. км узоқликда турибди. Станция Ер орбитасида 16 кун қолади ва шундан сўнг у Л1 атрофида ўз манзили томонга яна 110 кун ҳаракат қилади. Ушбу жойлашув расадхонага Қуёшни тутилишлар таъсирига учрамасдан, узлуксиз ва тўсиқсиз кузатиш имконини беради.

Адитя-Л1 фотосфера, хромосфера ва Қуёшнинг энг ташқи қатламларини электромагнит майдон, заррачалар ва магнит майдон детекторлари ёрдамида кузатиш учун жами еттита фойдали юкни (асбобларни) олиб юради.

Миссия олимларга қуёш тожининг исиши, тож массасининг чиқиши, чақнашдан олдинги фаоллик ва унинг хусусиятларини, космик об-ҳаво динамикаси ва бошқаларни тушунишга имкон берадиган маълумотларни тўплаши кутилмоқда.

Бу Ҳиндистоннинг ИСРО жорий йилда бошлаган иккинчи космик миссияси. 23 август куни Чандраяан-3 автомат ой станцияси “Прагян” ровери билан Ой юзасига муваффақиятли қўнган эди. Олимлар жанубий қутбда сув музлари конлари борлигига тахмин қилишмоқда.

Биз эса ҳали ҳам ойда Ғиждувон шашликларини пиширишни ўйлаб юрибмиз.

Мадина Пўлат қизи тайёрлади
Ishonch.uz