Bugun, 7 dekabr kuni Rossiya Federatsiyasi federal Kengashining 556-yig'ilishida senatorlar mamlakatda prezidentlik saylovini o'tkazish masalasi muhokama qilindi.

Federatsiya Kengashi Rossiyada prezidentlik saylovini 2024-yil 17-mart kuni o'tkazish haqida qaror qabul qildi.

“Yangi Rossiya tarixida birinchi marta prezidentlik saylovlari bunday “zaharli” geosiyosiy muhitda o'tkaziladi”, – deydi mamlakat Markaziy saylov komissiyasi raisi Ella Pamfilova.

Pamfilova, shuningdek, Rossiya saylov tizimi prezidentlik saylovlarini munosib o'tkazish uchun xavfsizlik choralariga ega ekanini bildirgan.

Uning ta'kidlashicha, MSK juma kuni prezidentlik saylovlarida ovoz berish to'g'risidagi qaror loyihasini ko'rib chiqishni boshlaydi.