Istanbul xalqaro aeroportidan uchadigan barcha aviaparvozlar vaqtinchalik to'xtatilgani aytilmoqda.

O'zbekistonning Istanbuldagi Bosh konsulxonasi xabariga ko'ra, bu joriy yil 1 noyabr kuni soat 19:00dan boshlab “Turk havo yo'llari” aviakompaniyasi elektron tizimida kuzatilgan muammolar bilan bog'liq.

Yuqoridagi sabablarga ko'ra, 1-2 noyabr kunlari Toshkent aeroportidan parvozni amalga oshiradigan ushbu aviakompaniyaning barcha reyslari ham bekor qilingan.

Aviakompaniya ro'yxatdan va tekshiruvdan o'tgan yo'lovchilarni vaqtinchalik ovqat va yashash joyi bilan ta'minlashi haqida e'lon bergan. Jumladan, Toshkentda 1 noyabrda bekor qilingan reys uchun ro'yxatdan o'tgan 70 nafar yo'lovchi mehmonxonaga joylashtirilgan.