Unda Ziroat Mirziyoeva ishtirok etdi.

“Hozirgi vaqtda dunyo bo'ylab ikki milliarddan ziyod bolalar yuqumli bo'lmagan kasalliklar xavfi ostida yoki ulardan aziyat chekmoqda. Bu — sayyoramiz aholisining qariyb uchdan bir qismi demakdir. Millionlab bolalar saratonga qarshi kurashmoqda. Zamonaviy tibbiyot yutuqlariga qaramay, yashovchanlik darajasi turli mintaqalarda keskin farq qiladi: rivojlangan mamlakatlarda bu ko'rsatkich 80 foizdan yuqori bo'lsa, rivojlanayotganlarda 30 foizdan ham past. Bunday tafovut mutlaqo yo'l qo'yib bo'lmaydigan holat. Bunday fojialarning oldini olish uchun chora ko'rishimiz zarur”, – dedi “Zamin” fondi Vasiylik kengashi raisi ishtirokchilarga murojaat qilib.

Tadbirda qator davlatlarning sog'liqni saqlash tuzilmalari rahbariyati, xalqaro tashkilotlar, ekspertlar hamjamiyati va fuqarolik jamiyati vakillari, og'ir kasalliklarga chalingan bolalar ishtirok etdi. Ular orasida "Mehrli maktab" maktabining yosh bitiruvchisi va ko'ngillisi Samira Idrisova o'z hayoti haqida samimiy hikoya qilib berdi.

Ishtirokchilar adolatli, integratsiyalashgan va mahalliy resurslarga asoslangan sog'liqni saqlash tizimlarini rivojlantirish orqali 2030 yilga qadar saratonga chalingan bolalarning yashovchanlik ko'rsatkichini 60 foizga yetkazish borasidagi qat'iy intilishlarini tasdiqladilar.

Shuningdek, bolalarda saraton kasalliklarini davolashdagi yutuqlarni qo'llab-quvvatlash va o'roqsimon hujayrali anemiyaga qarshi global tashabbusni amalga oshirish masalalarini muhokama qildilar.