Nashr 12 dekabr', payshanba kungi muqovasida Trampning saylovdagi g'alabasi, uning turli mavzularga bag'ishlangan interv'yusi stenogrammasi bilan birga e'lon qildi. Jurnal Trampning siyosiy qayta tug'ilishini «Amerika tarixida misli ko'rilmagan» voqea deb atadi.

Donal'd Tramp yana bir marta «Time» jurnalining «Yil odami» deb topildi. Bu uning ikkinchi marta «Yil odami» bo'lishi. Ammo, bu mukofotni kim tanlaydi va uning ma'nosi nima?

«Yil odami»ni tanlash an'anasi 1927 yilda boshlangan. «Time» jurnali muharrirlari yil davomidagi voqealarni sarhisob qilish maqsadida bu mukofotni ta'sis etgan.

Ammo, «Yil odami»ni tanlashda muhim bir jihat bor: faqat jurnal muharrirlarining fikriga asoslanadi. «Time» jurnalining bosh muharriri Richard Stengel buni shunday tushuntiradi: «Yil odami bo'lish sharaf emas. Bu dunyoni shakllantirgan eng qudratli odamlar va kuchlarga – yaxshi yoki yomonga ehtiyotkorlik bilan baho berishdir.»

«Yil odami» unvoni odatda yil davomida dunyoga eng katta ta'sir ko'rsatgan shaxs, guruh yoki g'oya uchun beriladi. Nomzod shu yili dunyo voqealariga eng katta ta'sir ko'rsatganligi, uning ta'siri ijobiy yoki salbiy bo'lishidan qat'iy nazar, u muhim bo'lishi va nomzod butun dunyo bo'ylab tan olinganligiga e'tibor qaratiladi.

Yillar davomida Franklin Ruzvelt, Adolf Gitler, Iosef Stalin, Jon Kennedi, Uinston Сherchil, Mixail Gorbachyov, Barak Obama, Donal'd Tramp va boshqalar «Yil odami» bo'lgan edi.

Shunday ekan, «Yil odami»ni tanlashda muhim bo'lgan bir savol tug'iladi: «Time» jurnalining fikri «Yil odami»ni tanlashda haqiqatdan ham hukmron bo'ladimi?

Nilufar Ergasheva.

Nilufar Ergasheva