Unda 35 yoshdan yuqori bo'lgan ayollar va erkaklar o'rtasida sportning voleybol hamda mini-futbol turlari bo'yicha o'tkazilgan musobaqalarda 8 ta tarmoqdan jami 120 nafardan ziyod faollar ishtirok etdi.

— Bu kabi musobaqalarni o'tkazish soha xodimlari o'rtasida o'zaro do'stlik aloqalarini yanada mustahkamlashga xizmat qiladi. Ular kasb yo'nalishlari bo'yicha tajriba almashib, o'zlari faoliyat ko'rsatayotgan korxona, tashkilot va muassasada sportni yanada rivojlantirish bo'yicha fikr va mulohazalar bilan o'rtoqlashish imkoniga ham ega bo'lishadi, — deydi viloyat kengashi raisi S.Fayzieva.

Musobaqalar yakuniga ko'ra, mini-futbol bo'yicha erkaklar o'rtasida 1-o'rinni Sog'liqni saqlash xodimlari kasaba uyushmasi, 2-o'rinni Madaniyat, sport va turizm xodimlari kasaba uyushmasi hamda 3-o'rinni Tadbirkorlik, biznes va xizmat ko'rsatish sohalari kasaba uyushmasi vakillari egallab g'olib bo'lishdi.

Ayollar o'rtasida o'tkazilgan voleybol musobaqasida 1-o'rinni Transport, yo'l va kapital qurilish industriyasi xodimlari kasaba uyushmasi jamoasi egalladi. Madaniyat, sport va turizm xodimlari kasaba uyushmasi 2-o'rinni, Tadbirkorlik, biznes va xizmat ko'rsatish sohalari kasaba uyushmasi jamoasi vakillari esa, 3-o'rinni egallashdi.
G'olib va sovrindorlarga tadbir tashkilotchilari tomonidan diplom va esdalik sovg'alari topshirildi.

Marhabo HALILOVA,
O'zbekiston kasaba uyushmalari Federatsiyasi
Toshkent viloyati kengashi yetakchi mutaxassisi