Nodirbek jahonning birinchi raqamli shaxmatchisini mag'lub qilsa, chempion bo'lishi mumkin. Ular orasida bir ochko farq bor.

Erkaklar o'rtasidagi 11-partiyada Nodirbek Abdusattorov o'zidan bir pog'ona yuqoridagi ruminiyalik shaxmatchi Kirill Shvechenkoni mag'lub etib, ochkolari sonini 8 taga yetkazib oldi.

Jahongir Vohidov esa taniqli Yan Nepomnyashiy bilan durangga imzo chekdi. Uning ochkolari hozirda 7,5 tani tashkil etmoqda.

Javohir Sindorov Ozarbayjon vakili Aydin Suleymanlini yengib, ochkolarini Vohidov singari 7,5 taga yetkazib oldi.

Shuningdek, bu raundda Magnus Karlsen ham g'alabali yurishini davom ettirdi va peshqadamligini mustahkamladi - 9 ochko.

Endi Nodirbek Abdusattorov Magnus Karlsenga qarshi ehtimoliy chempionlik o'yinini o'tkazadi.

Bu partiyada Jahongir Vohidov hindistonlik Pragnanandha bilan, Javohir Sindarov esa Frantsiya vakili Maksim Vash'e-Lagravga qarshi dona suradi.