FIDEning «top-10 talik»ida Abdusattorov va Sindorov ham qayd etildi
Jumladan, o'zbekistonlik shaxmat ustasi Nodirbek Abdusattorov yil davomidagi nufuzli musobaqalarda 54,63 ball jamg'argan va FIDEning ushbu reytingiga kirgan.
Xalqaro shaxmat federatsiyasi (FIDE) 2023 yilda bo'lib o'tgan musobaqalarida munosib ishtirok etgan yetakchi shaxmatchilar “top-10 taligi”ni e'lon qildi.
Ro'yxatni amerikalik Fabiano Karuana 118,61 ball bilan boshlab bergan. Undan keyingi o'rinlarni Dommaraju Gukesh (87,36), Anish Giri (84,31) va Uesli So (83,40) qayd etilgan.
O'zbekistonlik shaxmat ustasi Nodirbek Abdusattorov yil davomidagi nufuzli musobaqalarda ko'rsatgan natijalariga ko'ra, 54,63 ball jamg'argan va FIDEning ushbu reytingida 8-o'rinni band qilgan.
Ushbu reytingda Abdusattorovning Niderlandiyadagi “Tata Steel Masters”, Germaniyadagi "WR Chess Masters”, Norvegiyadagi "Norway Chess Blitz 2023”, Hindistondagi "Tata Steel Chess India Blitz 2023”, Xitoydagi “The 19th Asian Games (Rapid)”, Qatardagi "Qatar Masters” hamda Shveytsariyadagi “2023 FIDE Grand Swiss” turnirlarida ko'rsatgan natijalari hisobga olingan.
Javohir Sindorov esa 46,25 ball bilan kuchli o'ntalikni yakunlashga muvaffaq bo'lgan. U ushbu reytingda Niderlandiyadagi “Tata Steel Challengers”, BAAdagi “Dubai Open Chess Tournament 2023”, Xitoydagi “The 19th Asian Games (Rapid)”, Qatardagi “Qatar Masters” hamda Shveytsariyadagi “2023 FIDE Grand Swiss” turnirlarida qo'lga kiritgan natijalari bilan 10-o'rinni ekallagan.
Maqolaga baho bering
0/50
0
0
0
0