Agar shunday xayolda bo'lsangiz biz bugun poytaxtimizning Yangihayot tumanida ochilgan O'zbekiston respublikasi milliy kasb-hunar akademiyasi haqida ma'lumot beramiz. Bu yerda yetti yoshdan yetmish yoshgacha bo'lgan yurtdoshlarimiz bepul kasb-hunar o'rganishmoqda.

– 12 yoshdaman, – deydi mahorat bilan ip va ninani qo'llarida o'ynatib to'qiyotgan to'garak a'zosi Xadicha Nodirjonova. – 2 yildan beri shu hunarni o'rganayapman. Avvaliga o'rganishni boshlaganimda qo'limdan kelishiga ishonmagandim. Ammo bugun shu hunar tufayli vaqtim qanday tez o'tib ketganini bilmayman, ortiqcha xayollarga vaqtim yo'q.

Hattoki to'qigan narsalarimni sotishga ham ulgurayapman. Birinchi ishimni ko'rgazmaga borganimda 300 ming so'mga sotganman va unga yana xom-ashyo sotib olganman. Ko'rgazmalardagi ishtirokim uchun «Tashakkurnoma» ham berishgan. Uni onamga olib borganimda «Sen bilan faxrlanaman!» degandilar. Kelgusida o'zimning to'qish guruhimni ochib, yangi va ko'p loyihalar ustida ishlamoqchiman.

Zebo NAMOZOVA,
Quvonch TO'RAEV,
Ishonch.uz