Kunlarning birida taqdir uni 1-guruh nogironi bo'lgan Xushnudbek bilan uchrashtirdi. U xorijda ishlab yurganda insul'tga chalinib, oyoq-qo'li ishlamay qolgan va undan ham birinchi oilasi voz kechgandi. Hozir ikki yarim bir butun bo'lib, hayot mashaqqatlarini yengib kelishmoqda.
Qishning sovuq kunlari uydagi birgina pech ham yaroqsiz holga kelgan oilani tashvishga qo'ydi. Oladigan pensiyalari ikkovining dori-darmoni va oziq-ovqatidan ortmaydi.
Yaqinda mahallaga qandaydir amaldor kelganini eshitgan Dilorom uning huzuriga oshiqdi.
Urganch tumanidagi “Bobodehqon” mahallasi aholisining shart-sharoitlari, hududdagi maktab va bog'chalarda kuz-qish mavsumiga tayyorgarlik ishlari bilan tanishish uchun kelgan O'zbekiston kasaba uyushmalari Federatsiyasi Xorazm viloyat kengashi raisi Gulsara Qurbonboeva mahalladagi ko'plab fuqarolar qatori Diloromning ham dardini dildan tingladi.
Kengash raisi xonadonga borib, vaziyatni o'rgandi. Dilorom va Xushnudbek bilan yaqindan tanishdi. Ularga ruhiy dalda berdi.
Qisqa fursatda xonadonga yangi pech qurib berildi. Diloromning davolanishi uchun yordam ko'rsatildi.

Muhabbat TO'RABOEvA,
“Ishonch”