Adliya vazirligi sobiq davlat xizmatchilarini ishga qabul qilishda korruptsiyaga qarshi ichki nazorat bo‘linmasining xulosasini olish tartibini davlat ro‘yxatidan o‘tkazdi.
Yangi tartibga ko‘ra, davlat organida ishlagan shaxs ishdan bo‘shaganidan keyin 2 yil ichida o‘zi nazorat qilgan tashkilotga ishga kirmoqchi bo‘lsa, avvalgi ish joyining korruptsiyaga qarshi ichki nazorat bo‘linmasidan xulosa olinishi shart.

Ichki nazorat bo‘linmasi uch xil xulosa beradi:

• ijobiy — ishga qabul qilish mumkin;
• cheklovli ijobiy — muayyan cheklovlar bilan ishga qabul qilinadi;
• salbiy — ishga qabul qilish rad etiladi.
  
  Xulosa umuman olinmagan yoki salbiy bo‘lgan taqdirda nomzodni ishga qabul qilish mumkin emas. Cheklovli ijobiy xulosa berilsa, xodim 3 oy davomida avval nazorat qilgan tashkilotga oid qarorlar qabul qilishda ishtirok etmaydi, uning ayrim vazifalari qayta taqsimlanadi va faoliyati ichki nazorat bo‘linmasi tomonidan monitoring qilinadi.