- Bu ashyolarni bittalab, qishloqma qishloq yurib yiqqanman. Kelajak uchun o'tmishni saqlashning ahamiyati katta,- deydi u. Farzandlarimiz bugungi farovon hayot o'z-o'zidan bo'lib qolmaganini bilishi kerak. Shuning uchun Mirzacho'lni Mirzagulistonga aylantirishda jon kuydirgan fidoyilarning fotosuratlaridan iborat ko'rgazmalarga ham keng o'rin berganman.

“E'tibor” deb nomlangan bu muzeydan yer haydash uchun omochga taqiladigan uskunadan boshlab, qadimiy urf-odatlarni yodga soluvchi turli uy-ro'zg'or buyumlari, kashtachilik namunalari, qiziqarli ashyolar o'rin olgan. Bu dargohda chin ma'noda o'tmish, tarix bilan bir lahza yuzma-yuz kelasiz. Tomosha qilish uchun kelayotganlar turli yosh, turli kasbdagi kishilardir. Ayniqsa maktab o'quvchilarining bu yerda tez-tez bo'lishayotgani ahamiyatlidir.
Muzeyga qiziquvchilarni uning manzili qiziqtiradi, albatta. Gap shundaki, eksponatlar hozirgi kunda shaharda auktsionga qo'yilgan binolarning biriga vaqtincha joylashtirilgan. Uning bir joyda muqim qo'nim topishi uchun shahar hokimligi, ma'naviyat va muzeylarga aloqador mas'ul tashkilotlarning ko'magi, e'tibori, qo'llovi kerak.

Bahor Xolbekova, “ ISHONCH”