Katya Daniella Shveytsariyada tug'ilib, san'atga oshufta bo'lib ulg'ayadi. O'zbek raqs sirlariga qiziqishi ortidan yurtimizga avvaliga sayyoh bo'lib, keyin raqs akademiyasida o'qishni qatiiy niyat qilib keladi.

U o'z iqtidori bilan O'zbekiston davlat xoreografiya akademiyasiga o'qishga kiradi va uni 1997 yilda tugatadi.
“O'zbekistonni, xalqingizni judayam yaxshi ko'raman.

Mehmondo'st, san'at ixlosmandlari ko'p. O'z yurtdoshlarimga bu yurtning fazilatlari haqida to'lqinlanib gapirib beraman. Bitta o'g'lim bor. Navro'z bayrami arafasida tug'ilgani uchun Xurshid ismini qo'yganmiz. Yurtingizni nafaqat raqsini balki uning tarixini ham yaxshi ko'raman. Raqqosalik san'atini o'rganayotgan vaqtim Sharqshunoslik institutiga borib, o'zbek xalqi tarixini o'rganganman” – deydi suhbatdoshim Katya Daniella.

Katya Daniella ayni paytda professional raqqosa sifatida O'rta Osiyo milliy raqslarining tadqiqotchisi va shu bilan birga turizm yo'nalishida tarjimon sifatida faoliyat yuritadi. U taniqli o'zbek raqqos va raqqosalari Qodir Mo'minov, Roza Karimova, Viloyat Oqilova, Sora To'raeva, Roviya Otajonova, Shoira Qurbonova, Nasiba Madrahimova, Qunduz Mirkarimova va boshqalardan o'zbek raqs san'atining nozik jihatlarini o'rgangan.

Muxbir: Feruza Rahimova
Operator: Diyorbek G'aniev