O'zbekistonning uch yillik eksport strategiyasi ishlab chiqiladi
Ayni paytda bo'lib o'tayotgan yig'ilishda Prezident mutasaddilarga har bir tarmoqning tashqi bozorlardagi imkoniyatini tahlil qilib, uch yillik eksport strategiyasini ishlab chiqishni topshirdi.
To'qimachilik va elektrotexnika tarmoqlarida bor imkoniyat to'liq ishga solinmayotgani aytildi va bu tarmoqlar eksportini 2-3 karra oshirish imkoniyati borligi ta'kidlandi.
Shu bois, bu ikkita drayver tarmoqni rivojlantirish, eksportga ishlayotgan korxonalarni har tomonlama qo'llab-quvvatlash katta qaror loyihasi tayyorlandi.
Xususan, eksportchilarni aylanma mablag' bilan ta'minlash uchun alohida Faktoring tashkiloti ochilib, unga 100 million dollar ajratiladi. Korxonalarning xalqaro sertifikat talablariga moslashish xarajatlarining 20 ming dollargacha qismi qoplab beriladi.
Rivojlanish va tadqiqot markazlari uchun olib kelinadigan laboratoriya jihozlari bojxona bojlaridan ozod qilinadi. Xalqaro marketpleyslar orqali mahalliy mahsulotlarni ilgari surish uchun 2 million dollar yo'naltiriladi.
Maqolaga baho bering
0/50
0
0
0
0