Bu haqda kecha, 18 sentyabr' kuni N'yu-Yorkda bo'lib o'tgan O'zbekiston Prezidenti hamda “Cintana” kompaniyasi rahbari Duglas Bekker uchrashuvida ma'lum qilindi.

Qayd etilishicha, 2024 yildan boshlab sog'liqni saqlash, injiniring, arxitektura va dizayn kabi yo'nalishlarda malakali kadrlar tayyorlashni boshlash ham ko'zda tutilmoqda.

Shavkat Mirziyoev ushbu rejalarni ma'qullab, O'zbekiston ta'lim sohasidagi loyihalarni amalga oshirish uchun qulay sharoitlar yaratishga tayyorligini bildirdi.

Ma'lumot uchun, ushbu kompaniya Arizona davlat universiteti bilan hamkorlikda tashkil etilgan bo'lib, dunyoning 30 mamlakatida faoliyat yuritadi, universitetlarda ta'lim sifatini oshirish bilan shug'ullanadi.