2024 yilda ish haqi va pensiyalar uchun bu yilgidan qariyb 3 barobar ko'proq mablag' ajratilyapti
Iqtisodiyot va moliya vazirligi e'lon qilgan "2024 yil uchun O'zbekiston Respublikasining respublika byudjeti to'g'risida"gi qonun loyihasiga asosan kelgusi yilda Davlat byudjetidan birinchi darajali byudjet mablag'larini taqsimlovchilariga ajratiladigan mablag'larning cheklangan miqdorlari belgilangan bo'lib, unda Iqtisodiyot va moliya vazirligiga ish haqi, pensiyalar, stipendiyalar va nafaqalar miqdorini, shuningdek ayrim xizmat turlari bo'yicha tariflarni oshirish bilan bog'liq xarajatlar uchun 9 trln. 553 mlrd. 287,7 mln. so'm ajratilmoqda.
Iqtisod
1362 15:02 | 08.11.2023 15:02
Bu esa o'tgan yili xuddi shu maqsadlarga 2023 yil uchun ajratilgan 3 trln. 797 mlrd. 871,6 mln so'm miqdoridagi mablag'dan qariyb 3 barobar ortiq deganidir.
Shuningdek, 2024 yilda byudjet tashkilotlari xodimlariga homiladorlik va tug'ish nafaqalarini to'lash bilan bog'liq xarajatlarni ham qariyb 40 foizga (1 trln. so'm, bu ko'rsatkich joriy yil uchun 665 mlrd. so'm bo'lgan) oshirish rejalashtirilgan.
Xususiy sektorda ishlovchi ayollarning homiladorlik nafaqa pulini byudjet mablag'lari hisobidan to'lash bilan bog'liq xarajatlarga esa joriy yildagiga (300 mlrd. 710 mln. so'm) qaraganda 3 barobardan ko'proqqa kam (100 mlrd. so'm) mablag' ajratilmoqda.
Maqolaga baho bering
0/50
0
0
0
0