Prezidentning matbuot xizmati xabariga ko'ra, tadbirda Ozarbayjon, Eron, Qozog'iston, Qirg'iziston, Pokiston, Tojikiston, Turkmaniston va Turkiyaning davlat va hukumat rahbarlari ishtirok etishi kutilmoqda.
Sammitda IHT doirasida savdo-iqtisodiy, investitsiyaviy, transport-kommunikatsiyaviy va gumanitar hamkorlikni yanada kengaytirish hamda ushbu ko'p tomonlama tuzilma faoliyatini takomillashtirish masalalari muhokama qilinishi belgilangan.

Shuningdek, O'zbekiston yetakchisi qator ikki tomonlama uchrashuvlar o'tkazadi.
O'zbekiston Respublikasi 1992 yilda a'zo bo'lgan Iqtisodiy hamkorlik tashkilotiga 1985 yilda asos solingan. Uning doimiy faoliyat yurituvchi kotibiyati Tehronda joylashgan.