Касаба уюшмалари Федерациялари раҳбарларининг телефон орқали мулоқоти
Умумхитой касаба уюшмалари Федерацияси раиси ўринбосари Ян Юйдун ва Ўзбекистон касаба уюшмалари Федерацияси раиси Қудратилла Рафиқов телефон орқали мулоқот қилди.
Аввало, Юйдун жаноблари Умумхитой касаба уюшмалари Федерациясининг кўпмиллионли аъзолари, шахсан Умумхитой касаба уюшмалари Федерацияси раҳбари Ван Дунмин жаноблари номидан Ўзбекистонда кенг нишонланаётган касаба уюшмалари куни билан самимий муборакбод этиб, Ўзбекистонда касаба уюшмалари соҳасининг ривожида катта муваффақиятлар тилади.
Ян Юйдун Федерация раисига яқинда Ўзбекистонга ташриф буюрган хитойлик касаба уюшмалар делегациясига кўрсатилган иззат-икром ҳамда эришилган аҳдлашувлардан мамнуният изҳор этди. Ҳар икки касаба уюшма бирлашмасининг тегишли департаментлари ушбу келишувларнинг тез фурсатда амалга оширилиши устида ишлаётгани ҳақида тўхталди.
Ўз ўрнида Ўзбекистон касаба уюшмалари Федерацияси раиси Қудратилла Рафиқов табрик ва билдирилган тилаклар учун миннатдорлик билдириб, мамлакатларимиз раҳбарлари – Ўзбекистон Республикаси Президенти Шавкат Мирзиёев ва Хитой Халқ Республикаси Раиси Си Цзиньпин ўртасидаги ўзаро самимий ва яқин дўстона муносабат сабаб ҳар икки давлат алоқаларининг тобора ривожланиб бораётгани ҳақида тўхталиб, бу борада касаба уюшмалари соҳасининг ҳамкорлиги учун барча имкониятлар мавжудлигига алоҳида урғу берди. Хитой ва Ўзбекистон халқи азал-азалдан сақланиб келаётган муштарак мақсадлар йўлида давом этар экан, касаба уюшмаларининг ҳамкорлигини янада ривожлантириш ҳам бу ўринда катта аҳамият касб этишини таъкидлади.
Долзарб мавзулар
Mақолага баҳо беринг
0/50
0
0
0
0