9 ноябр куни Италия президенти Сержио Маттарелланинг Ўзбекистонга ташрифи кутиляпти. Бу ҳақда Agenzia Nova нашри хабар бермоқда.

Маттареллага унинг қизи Лаура ҳамда мамлакат ташқи ишлар ва халқаро ҳамкорлик вазири ўринбосари Эдмондо Cириелли ҳамроҳлик қилади.

Сержио Маттарелланинг Ўзбекистонга сафари 1997 йилдаги президент Оскар Луижи Скалфародан кейинги илк олий даражадаги ташриф ҳисобланади.

Қайд этилишича, Италия етакчиси ташриф доирасида халқаро миқёсдаги энг долзарб муаммолар, жумладан, Исроил-Фаластин можароси, Хитойнинг Жанубий Хитой денгизидаги қатъияти ва Украинадаги уруш каби масалаларни муҳокама қилади.

«Маттарелланинг ташрифи Ўзбекистон ҳукумати томонидан қизғин қўллаб-қувватланмоқда.

Тошкент билан ҳамкорлик Италия учун, айниқса, Европа ва Узоқ Шарқ, шунингдек, Россия ва Хитой каби йирик минтақавий давлатлар ўртасидаги тарихий алоқа минтақасида жойлашган мамлакатнинг стратегик мавқеини ҳисобга олган ҳолда алоҳида аҳамиятга эга. Айнан шу маънода Рим Ўзбекистонга ўз сувиренитетини сақлаб қолиш ва Ғарб билан муносабатларни мустаҳкамлашда ёрдам бериши мумкин», – дейилади Agenzia Nova нашри хабарида.

10 ноябр куни Италия етакчисининг Шавкат Мирзиёев учрашуви бўлиб ўтади. Шу куни МаттареллаТошкентдаги Турин политехника университетига боради ва у ерда икки томонлама олий таълимда алмашинувни сарҳисоб қилиш ҳамда иқтисодий ва технологик соҳалардаги ривожланиш ҳамда ҳамкорликнинг янги салоҳиятли йўналишларини баҳолаш имкониятларини муҳокама қилади.

Ташриф 11 ноябр куни Самарқанд шаҳрида якунланади.