Ҳар биримиз ўзимизча бахтлимиз. Баъзилар учун бахт — ўзлари ёқтирган иш билан шуғулланишдир. Кимдир орзуларини амалга ошириш имкониятига эга бўлганидан хурсанд. Кимдир яқинлари билан узоқ кутилган учрашувдан боши осмонга етиши мумкин.

Бахт бу – доимий қўрқув ва ташвишсиз яшаш.

Инсон бахтли эканлигини қандай тушуниш мумкин?

Бахтли одам — соғлом одам. Бахтли инсон оилада, жамиятда муваффақият қозонади.

Бахт формуласи

Олимлар ҳали ҳам инсониятни хурсанд қилишнинг барча мумкин бўлган усулларини ўрганишмоқда. Улар бахт даражасини белгилайдиган формулани ишлаб чиқдилар. Тадқиқотларга кўра, бахт ҳисси тўғридан-тўғри керакли мақсадга олиб келадиган вазифани тўғри белгилашга боғлиқ.

Илмий иш муаллифларининг таъкидлашича, бахт муайян муаммоларни ҳал қилиш жараёнига эмас, балки уларнинг якуний натижасига боғлиқ.

Қандай қилиб бахтли бўлиш мумкин?

Бирор киши ўз ҳаётини яшаса, унда қандай қилиб бахтли бўлиш кераклиги ҳақида савол туғилмайди. У аллақачон бахтли.

Мутлақо ҳамма учун мос бўлган универсал рецепт мавжуд бўлмасада, бахтли бўлишнинг баъзи усуллари мавжуд.

Табиатдан завқланинг

“Journal of Positive Psychology” илмий журналида чоп этилган тадқиқот муаллифлари табиатга эътиборли бўлишни ва ундан завқланишни маслаҳат беришади. Уларнинг фикрича, бу бахт ҳиссини уйғотади.

Ютуқларингиз учун ўзингизни мақтанг

Ўз ютуқларини, ҳатто кичик бўлса ҳам, пайқаган одам бахтлироқ бўлади. Яна бир чўққи забт этилганлигини англаш бахт гормони — допаминнинг чиқарилишига ёрдам беради.

Тез-тез табассум қилинг

Кулги эснаш каби юқумли. Қизиқарли компанияда бўлганингизда, биз қандай қилиб табассум қилишни бошлаганимизни ҳам сезмаслигингиз мумкин.

Яқинларингизни қучоқланг

Иссиқ ва самимий бағирлашишлар бизни бироз бахтли қилади. Албатта, жисмоний тегиниш ҳар доим ҳам ёқимли эмас ва ҳар доим ҳам мос келмайди. Бироқ, тадқиқотлар шуни кўрсатдики, тегиниш одамлар учун муҳим роль ўйнайди. Бу, айниқса, ҳис-туйғуларни ифодалашда ва романтик ва ижтимоий муносабатларни сақлаб қолишда жуда муҳим.

Кўпроқ ҳаракатланинг

Йога, куч талаб қилинадиган машқлар, югуриш ва бошқалар бахт гормонини чиқаришга ёрдам беради. Дўстлар билан футбол ўйнаш, парк бўйлаб югуриш каби ҳар қандай фаол жисмоний ҳаракатлар завқ келтириши мумкин.

Соғлиғингизга эътиборли бўлинг

Жисмоний ҳаракатларнинг камлиги турли касалликларнигина эмас, балки психологик ноқулайликни ҳам келтириб чиқариши мумкин. Ҳар қандай касаллик, гормонлар даражасининг ўзгариши, кайфиятнинг ёмонлашишига, асабийлашишга, қайғу ва меланхолияга олиб келиши мумкин. Бундай ҳолда, касалликнинг асосий сабабини аниқлаш керак, уни даволаш нохуш аломатларни енгиллаштиради. Муҳими, иммунитетнинг мустаҳкамлаш ва касалликларни олдини олишга эътиборли бўлинг.

Бугунги ҳаётдан завқ олинг

Ҳар куни ўзингизга озгина қувонч бахш этиб, ҳаётдан завқ олишга ҳаракат қилинг. Ҳаёт жуда кўп кичик нарсалардан иборат. Улар бахт мозаикасини ташкил қилсин.

Келажакда даҳшатли воқеаларни қидиришни тўхтатинг ва ҳозирги пайтда яшашни бошланг. Шу ерда ва ҳозир ўзингиздан завқланишни ўрганинг. Шунда бахт тез орада ҳаётий ҳамроҳингизга айланади.

Анваржон ҲАЛИМОВ тайёрлади