Ушбу саволга Ўзбекистон Соғлиқни сақлаш ходимлари касаба уюшмаси Республика Кенгаши Тошкент вилояти бўйича меҳнат ҳуқуқ инспектори Муҳаммаджон Рўзметов жавоб берди.

Ўзбекистон Республикаси Меҳнат кодексининг 266- моддасига асосан, иш берувчининг айби билан бекор туриб қолинган вақт учун (иқтисодий, технологик, техник ёки ташкилий сабабларга кўра ишни вақтинча тўхтатиб туриш) ходимнинг ўртача иш ҳақи миқдорида ҳақ тўланади.

Бекор туриб қолинган вақт - бекор туриб қолинган вақт ҳақидаги варақа, бекор туриб қолинган вақт ҳақидаги далолатномалар билан уларга бекор туриб қолинган вақт ҳақида иш вақти табелига мажбурий иш қолдириш тўғрисида белги қўйиш орқали расмийлаштирилади.

Бекор туриб қолинган вақт ҳақидаги далолатномада ташқи омилларга кўра смена давомида бекор туриб қолинган вақт расмийлаштирилади. Улар ходимнинг табелида “мажбурий ишда қолдириш” белгиси билан қайд қилинади. Далолатномага бекор туриб қолган ходимларнинг рўйхати илова қилиб келтирилади. Ходимнинг ўртача иш ҳақи сақланиб қолиши бекор туриб қолинганлик ҳақида иш берувчи огоҳлантирилган тақдирдагина берилади.

‼️Ходимнинг айбисиз бекор туриб қолинган вақтда унинг ўртача иш ҳақи сақланади. Шунингдек, ишлаб чиқаришнинг янги турларини ўзлаштириш даврида ходимнинг айбисиз бекор туриб қолинган вақт учун тегишли разрядли вақтбай ходимнинг тўлиқ тариф ставкаси ҳисобидан иш ҳақи тўланади. Бу вақт бекор туриб қолинган вақт ҳақидаги варақада расмийлаштирилиб, унда бекор туриб қолиш сабаблари, унинг муддати, ходимнинг тариф ставкаси ва иш ҳақи миқдори кўрсатилади.