Касаба уюшма қўмитаси раиси ва аъзосига тўғридан-тўғри "хайфсан" қўллаш мумкин эмас
Тошкент вилоятининг Оҳангарон туманидаги 52-сонли мактабнинг бошланғич синф ўқитувчилари Я.Чимбердиева, Ш.Муталова ҳамда она-тили ва адабиёт фани ўқитувчиси М.Юнусовага kundalik.com сайти билан боғлиқ иш туфайли интизомий жазо қўлланилди.
Ўзбекистон касаба уюшмалари Федерацияси Тошкент вилояти кенгаши инспекторининг ўрганишига кўра, Ш.Муталова 52-мактабнинг бошланғич касаба уюшма қўмитаси раиси, Я.Чимбердиева ҳамда М.Юнусова эса, касаба уюшма қўмитаси аъзолари эканлиги аниқланди. Инспектор бу иш "Ўзбекистон касаба уюшмалари тўғрисида"ги Қонуннинг 15-моддасига зид эканлигини ва бу “хайфсан”ларни бекор қилишни сўраб, иш берувчига кўрсатма хати киритди. Ваҳолангки, ушбу моддада касаба уюшмаси таркибига сайланган ва ишлаб чиқаришдан озод этилмаган ходимларга шу органнинг розилигисиз интизомий жазо қўлланилиши мумкин эмаслиги белгиланган.
Шундан сўнг, иш берувчи ўқитувчиларга қўлланилган интизомий жазоларни бекор қилиш тўғрисида буйруқ чиқарди.
Шокир Хазраткулов,
Машраб Мирзаев,
Ўзбекистон касаба уюшмалари Федерацияси Тошкент вилояти кенгаши меҳнат инспекторлари
Mақолага баҳо беринг
0/50
0
0
0
0