Мактаб ўқувчилари учун шанба – дарс машғулотлари куни
Мактабгача ва мактаб таълими вазирлиги дам олиш кунларига тўғри келган дарсларни қандай тартибда ўзлаштирилишига ҳам аниқлик киритди.
Президентнинг 2023 йил 22 декабрдаги “2024 йилда расмий саналарни нишонлаш даврида қўшимча ишламайдиган кунларни белгилаш ва дам олиш кунларини кўчириш тўғрисида”ги Фармони ҳамда 2024 йил 8 апрелдаги “Муборак Рамазон ҳайитини нишонлаш тўғрисида”ги қарорига мувофиқ, умумий ўрта таълим мактабларида жорий йилнинг 10 – 12 апрель (чоршанба – жума) кунлари – дам олиш куни деб эълон қилинган эди.
Шу муносабат билан, Мактабгача ва мактаб таълими вазирлиги 2024 йил 13 апрель (шанба) куни барча умумий ўрта таълим мактабларида режадаги дарс жадвали асосида ўқиш бошланиши ҳақида огоҳлантирмоқда.
“Дам олиш кунларига тўғри келган ўқув машғулотларини ўқув йили якунига қадар мавзуларни тиғизлаштирган ҳолда ўзлаштириш тавсия этилади”, – дейилади вазирлик хабарида.
Долзарб мавзулар
Mақолага баҳо беринг
0/50
0
0
0
0