Cавол: Мен ташкилот раҳбариман. Ходимларимизга Рамазон ойида қонун билан белгиланган тартибда қандай енгилликлар беришим мумкин?

Саволга ҳуқуқшунос Муҳаммадамин Каримжонов жавоб беради.

Жавоб:
- усул. Меҳнат кодексига мувофиқ, жамоа келишувлари, жамоа шартномалари, иш берувчи томонидан касаба уюшмаси қўмитаси билан келишувга кўра қабул қилинадиган ички ҳужжатлар, иш берувчи ўз ваколатлари доирасида якка ўзи қабул қиладиган якка тартибдаги ҳуқуқий ҳужжатлар асосида байрамларда, жумладан, Рамазон муносабати билан енгилликлар бериши мумкин.

- усул. Меҳнат кодексининг 204-моддасига кўра, иш куни (смена) давомида ходимга дам олиш ва овқатланиш учун давомийлиги кўпи билан 2 соат ва камида 30 дақиқа бўлган, иш вақтига киритилмайдиган танаффус берилиши керак. Ички меҳнат тартиби қоидаларида ёки меҳнат шартномасида, агар ходим учун белгиланган кунлик ишнинг (сменанинг) давомийлиги тўрт соатдан ошмаса, унга мазкур танаффус берилмаслиги назарда тутилиши мумкин.

Дам олиш ва овқатланиш учун танаффус бериш вақти ва унинг аниқ давомийлиги ички меҳнат тартиби қоидаларида ёки ходим ва иш берувчи ўртасидаги келишувга кўра белгиланади.

Демак, Рамазон ойида рўзадор ходимлар учун биз амалиётда кўникканимиз дам олиш ва овқатланиш учун 1 соатлик танаффус ўрнига уларга дам олиши учун 30 дақиқа берса, шунда рўзадор ходимлар 30 дақиқа вақтли кетиши мумкин бўлади.

- усул. Рамазон ойида ходимга тўлиқсиз иш вақти белгиланиши мумкин. (МК 186-модда)
- усул. Таътилдан фойдаланишнинг жадвалда белгиланган вақтидан олдин ҳам таътил бериш мумкин. (МК 228-модда)
- усул. Рамазон ойида ходимга қисқартирилган иш вақти белгиланиши мумкин. (МК 183-модда) ва яна бошқа енгилликлар берилиши мумкин.