Jizzaxda bo'lib o'tayotgan yig'ilishda hududga investitsiya jalb qilish masalasiga alohida e'tibor qaratildi.

Prezident Mirziyoevning bildirishicha, xitoylik investorlar Jizzaxda qurilish materiallari, kimyo, energetika, elektrotexnika, mashinasozlik, to'qimachilik va farmatsevtikada 4 milliard dollarlik 22 ta loyihani boshlashga tayyor.

“Buning uchun Zomin tumanida sanoat texnoparki, Zarbdordagi Shodlik mahallasida Jizzax sanoat zonasi filiali, Zafaroboddagi Сhimqurg'on mahallasida va Sharof Rashidov tumanidagi Toqchilik mahallasida sanoat zonalari tashkil qilinadi”, – deydi davlat rahbari.