Rasmiy ma'lumotga ko'ra, kompaniya “Rossiyaga ehtiyot qismlarini yetkazib berishda vositachilik qilgan”.

Buyuk Britaniya hukumati Rossiyaga qarshi tarkibida 46 ta jismoniy va yuridik shaxs bo'lgan yangi sanktsiyalar paketini e'lon qildi.

Ro'yxatga Rossiyani Ukrainaga qarshi urushida qo'llab-quvvatlagan yoki mamlakatga harbiy texnika va ehtiyot qismlar yetkazib berishda vositachi bo'lgan uchinchi dunyo mamlakatlari korxonalari kiritilgan.

Xususan, Belarusning “JSC Display Design Bureau”, Serbiyaning “Avio Chem”, Turkiyaning “Smart Trading Limited”, shuningdek, Xitoyning uchta – “Asia Pacific Links Limited”, “Sinno Electronics Co., Limited” va “Xinghua Co., Limited” kompaniyalari hamda BAAning to'rtta kompaniyasi bor.

Bundan tashqari, ro'yxatga O'zbekistonning Mvizion kompaniyasi ham kiritilgan. Ochiq ma'lumotlar reestrida keltirilishicha, Mvizion kompaniyasi 2022 yilning iyun oyida Toshkentda ro'yxatdan o'tgan va “elektron, telekommunikatsiya uskunalari va uning ehtiyot qismlari ulgurji savdosi” bilan shug'ullanadi. Kompaniyaning yagona asoschisi va rahbari Igor Ivlev.

Rasmiy ma'lumotga ko'ra, kompaniya “Rossiyaga ehtiyot qismlarini yetkazib berishda vositachilik qilgan”.
Eslatib o'tamiz, joriy yilning noyabr oyida AQSh Savdo vazirligi Mvizion kompaniyasiga nisbatan eksport cheklovlarini joriy qilgan edi. Kompaniya Rossiya armiyasi uchun dronlarni sotib olish va rivojlantirish sxemalarining ishtirokchisi sifatida maxsus eksport nazorati ro'yxati.