2025-yil yanvar oyida O'zbekistonning tashqi savdo aylanmasi (TSA) 4,5 mlrd dollarni tashkil etdi va 2024 yilning yanvar' oyiga nisbatan 297,2 mln dollarga yoki 7,1 foizga o'sdi.

TSAda eksport hajmi 1,3 mlrd dollarni (2024 yilning yanvar' oyiga nisbatan 14,1 foizga o'sgan) va import hajmi 3,2 mlrd dollarni (o'sish 4,4 foiz) tashkil etgan.

“Tashqi savdo aylanmasi bo'yicha 20 ta yirik hamkor davlatlar orasida 3 ta mamlakat – Afg'oniston, Qirg'iziston va Tojikiston bilan faol tashqi savdo balansi kuzatilmoqda, qolgan 17 ta davlat bilan tashqi savdo balansining salbiy sal'dosi saqlanib qolyapti”, – deyiladi hisobotda.

Qayd etilishicha, O'zbekiston jahonning 154 ta mamlakati bilan savdo aloqalarini amalga oshirib kelmoqda. TSAning nisbatan salmoqli hissasi XXRda (22,1 foiz), Rossiyada (17,7 foiz), Qozog'istonda (7,0 foiz), Turkiyada (4,7 foiz) va Germaniyada (3,8 foiz) qayd etilgan.

Davlatlar guruhi bo'yicha tashqi savdoning eng katta hajmi MDH mamlakatlariga – 1,6 mlrd dollar, EOII mamlakatlariga – 1,2 mlrd dollar, boshqa davlatlar bilan tovar ayirboshlash – 2,9 mlrd dollarni va Evropa Ittifoqi mamlakatlari bilan – 0,6 mlrd dollarni tashkil etdi.

O'zbekiston tashqi savdo aylanmasi tarkibida eng yuqori ulushi Toshkent shahriga to'g'ri keldi – 41,7 foiz ulush bilan 1,9 mlrd dollar. Eng quyi ulush esa Sirdaryo viloyatiga to'g'ri kelgan – 1,2 foiz ulush bilan 52,1 mln dollarni tashkil etdi.