Oliy ta'lim xodimlari o'rtasida “Hamkorlik kubogi” musobaqasi o'tkazildi
Oliy ta'lim, fan va innovatsiyalar vazirligi hamda Sport vazirligi hamkorligida O'zbekiston Xaqaro Islom akademiyasida poytaxtimizdagi oliy ta'lim muassasalari xodimlari o'rtasida volleybol, stol tennisi, shaxmat, shashka va kibersport turlari bo'yicha "Hamkorlik kubogi" o'tkazildi.
"Dolzarb 90 kun" loyihasi doirasida tashkil etilgan ushbu turnir xodimlarning jismoniy va ruhiy salomatligini mustahkamlashga, ish faoliyatidagi kasb kasalliklarining oldini olishga hamda sog'lom turmush tarzini keng targ'ib qilishga qaratilgan.
- Men doimiy ravishda turli sport turlari bilan shug'ullanib kelaman. Har kuni bir xil ish stoli, qog'ozlar va kompyuter qarshisida soatlab o'tirish har qanday kasb egasini charchatadi. Ammo sport bilan doimiy shug'ullangan inson o'zini tetik va bardam his qiladi,– deydi Nuriddin Sangirov.
Universitet xodimlari sportning turli sohalari bo'yicha bellashib, nafaqat bilim salohiyatlarining yuksakligini, balki sportga qiziqishlari yuqori ekanligini isbotlashdi. Xodimlar musobaqada ko'tarinki kayfiyatda qatnashib, jismoniy chiniqish bilan birgalikda madaniy hordiq olishdi.
Diyora Ravshanova
Ishonch.uz
Maqolaga baho bering
0/50
0
0
0
0