Turkiya Respublikasi Prezidenti huzuridagi Kommunikatsiya boshqarmasi boshlig'i professor doktor Fahrettin Altunning ta'kidlashicha, ayni paytda Istanbul bosh prokuraturasi tomonidan olib borilgan qator tekshiruvlar sababli, noto'g'ri fikrlar va hattoki tergovning yaxlitligiga putur yetkazishga urinishlar bor. Professor bu vaziyatni Istanbul shahar hokimligi xodimlari va boshqa gumondorlarni hibsga olish qaroridan so'ng, asosiy muxolifat partiyasi rahbarlari yuzaga keltirganligini bildirgan.

Rasmiyga ko'ra, tergov-surishtiruv ishlarining mohiyati, tafsilotlari bilan tanishmay turib, hatto Prezidentga ham tuhmat va bo'htonlar qilinmoqda.

"Turk millati nomidan o'z vakolatlarini qo'llayotgan sud organlarimizning mustaqilligiga putur yetkazish, shuningdek, Prezidentimizga daxl qilish, bu mafkuraviy tuhmat harakatlariga qarshi Prezidentimizning huquqlarini himoya qilishga qaratilgan bunday harakatlarga biz bundan keyin ham qarshimiz. Mustaqil sud hokimiyati tomonidan qabul qilingan har qanday qaror jamiyatning barcha qatlamlari tomonidan hurmat qilinishi kerakligi haqidagi fikrimizni yana bir bor takrorlaymiz va biz Kommunikatsiya boshqarmasi sifatida bu jarayonda dezinformatsiyaga qarshi kurashishni davom ettirishimizni eslatib o'tamiz. Fuqarolarimizdan tasdiqlanmagan va shubhali kontentdan ehtiyot bo'lish orqali ushbu kurashni qo'llab-quvvatlashlarini hamda har doimgidek rasmiy muassasalar va hokimiyatlarning bayonotlariga ishonishlarini so'raymiz" deydi Faxrettin Altun.

Eslatib o'tamiz, Turkiyaning eng yirik megapolisi meri ustidan olib borilayotgan tergov doirasida jami 100 kishini hibsga olish uchun order berilgan. Ular orasida shahar hokimining matbuot maslahatchisi Murat Ongun hamda bir qancha jurnalist va tadbirkorlar bor.