Savolga mehnat huquqi bo'yicha mutaxassis Laziz QARShIEv javob beradi

— Yil ham yakuniga yetmoqda. MK 228-moddasiga ko'ra dekabr' oyi yakuniga qadar keyingi yilning ta'tillar jadvali tasdiqlanishi kerak.

Bunda quyidagi qonunchilik talablariga rioya etilishi kerak:

— barcha xodimlar uchun belgilash (kimdir qolib ketmasligi kerak);

— ta'til vaqtini belgilashda kamsitishga yo'l qo'ymaslik (ayrim xodimlarni xohishlarini inobatga olmasdan ayrimlarini inobat olish kamsitishdir);

— xodim ta'tildan qismlarga bo'lib foydalanmoqchi bo'lsa, ish beruvchi bunga rozi bo'lsa, uni ta'tillar jadvalida ko'rsatish;

— ta'lim muassasalarida pedagoglarga o'quvchilarni yozgi ta'tili vaqtida mehnat ta'tilini berish;

— kasaba uyushmasi qo'mitasi bilan kelishish (agar mavjud bo'lsa);

— ish beruvchi tomonidan tasdiqlanishi;

— kalendar' yil yakuniga qadar tasdiqlanishi.

Jadvalni shakllantirishni qancha vaqtli boshlasangiz, shuncha yaxshi. Shunki xodimlarning taklifini olish, kasaba uyushmasi qo'mitasi bilan kelishish uchun ham vaqt kerak bo'ladi;

Bir bo'limdagi bir-birining o'rnini bosuvchi xodimlar (masalan, bosh hisobchi va uning o'rinbosari) bir vaqtda to'g'ri kelib qolmasin;

korxona faoliyatidagi eng ish ko'p bo'ladigan davrlarda (masalan, yillik hisobot topshirish yoki mavsum bilan bog'liq ishlar) ta'tillarni kamroq belgilash.