Toshkent aholisi uchun issiq suv va issiqlik ta'minoti narxlari ko'tarildi
Bu borada poytaxt hokimligining tegishli qarori qabul qilingan.
Toshkent shahar hokimining 2024-yil 2-apreldagi “veolia Energy Tashkent” MСhJ XK tomonidan ko'rsatiladigan issiqlik ta'minoti xizmatlari uchun tartibga solinadigan yangi narxlar (tariflar)ni tasdiqlash to'g'risidagi qaroriga ko'ra aholiga issiqlik ta'minoti va issiq suv xizmatlari uchun tariflar 15 foizga ko'tarildi.
Ma'lum qilinishicha, issiqlik ta'minoti va issiq suv xizmatlari uchun yangi tariflar isitish mavsumi tugagan kundan bir kun o'tib, ya'ni 27-martdan emas, balki yuqorida aytib o'tilganidek Toshkent shahar xokimining tegishli qaroriga asosan 2024-yil 2-apreldan kuchga kirgan.
27-martdan 2-aprelgacha issiqlik ta'minoti va issiq suv xizmatlari uchun oshirilgan stavkalarda to'lovlarni amalga oshirgan iste'molchilarga oshiqcha summa avans sifatida hisobga olinishi ma'lum qilindi.
Maqolaga baho bering
0/50
0
0
0
0