Qayd etilishicha, O'zbekiston kasaba uyushmalari federatsiyasi tomonidan so'nggi yillarda hududlarda suv sporti turlarining moddiy-texnik bazasini yaxshilash borasida qator ishlar amalga oshirilmoqda. Jumladan, Namangan viloyati va Toshkent shahrida jahon standartlariga mos keladigan 50x25 metr o'lchamdagi havzalar foydalanishga topshirildi. Qashqadaryoda ayni paytda navbatdagi ob'ekt – zamonaviy suv sport turlari saroyi qad rostlayotgan bo'lsa, Toshkent viloyatida yana bir suzish havzasi qurilishi loyihalashtirilyapti.

Tadbirda federatsiya rahbari lavozimiga O'zbekiston kasaba uyushmalari federatsiyasi raisi Rafiqov Qudratilla Mirsagatovich nomzodi ilgari surildi. Delegatlar ushbu nomzodni bir ovozdan ma'qullashdi va Q.Rafikov mamlakat suzish federatsiyasi raisi etib saylandi.

Tadbir davomida federatsiyaning Los-Anjeles-2028 yozgi Olimpiya o'yinlariga tayyorgarlik rejasi batafsil ko'rib chiqildi. Bunda terma jamoalarga xorijlik malakali murabbiylarni jalb etish, selektsiya yo'nalishiga ko'proq ahamiyat berish kabi mavzular muhokama markazida bo'ldi. Shuningdek, suzish, suv polosi, suvga sakrash va sinxron suzish dasturlarida atletlarimizning Olimpiada yo'llanmalari uchun imkoniyatlari ko'rib chiqildi.

Eslatib o'tamiz, Federatsiyaning avvalgi rahbari Q.Sanoqulovning mamlakat gandbol federatsiyasi boshqaruviga o'tdi.