Ayollar va erkaklar soni o'rtasidagi farq

Aholi tarkibida erkaklar va ayollar o'rtasidagi farq sezilarli. Ayollar soni 18 718 679 kishini tashkil etsa, erkaklar soni esa 18 990 182 kishiga yetdi. Bu esa erkaklar sonining ayollardan 271 503 kishiga ko'proq ekanligini anglatadi. Shuningdek, umumiy farqning nisbatan kichikligi, aholi muvozanati saqlanayotganini ko'rsatadi.

Aholi sonining o'sishi

O'zbekistonning doimiy aholi soni 2024 yil 1-yanvarda 37,1 millionni tashkil etgan edi. Yil davomida 600 ming nafarga ortdi. Bu o'sish mamlakatda demografik barqarorlikni va aholi o'sishining yuqori sur'atda davom etayotganini ko'rsatadi.

Aholi sonining o'sishiga ko'plab omillar ta'sir ko'rsatmoqda. Xususan, sog'liqni saqlash sohasidagi yaxshilanishlar, tug'ilish darajasining o'sishi, o'lim darajasining kamayishi va ko'chib o'tuvchilarning kamayishi bunga sabab bo'lmoqda. O'zbekistonning yosh va ishlashga yaroqli aholisi o'sishi, mamlakatning iqtisodiy taraqqiyotiga ijobiy ta'sir ko'rsatmoqda.

Demografik o'zgarishlar va iqtisodiy ta'sir

Aholi sonining o'sishi faqat raqamlar bilan o'lchanmaydi, balki uning ijtimoiy va iqtisodiy o'sishga ta'siri ham katta. Aholi sonining ortishi, yangi ish o'rinlari yaratish, ta'lim va sog'liqni saqlash tizimlarini yaxshilashni talab qiladi.

Masalan, aholi sonining ko'payishi bilan birga, jamiyatda ishchi kuchi ko'payadi, bu esa iqtisodiyotning turli sohalarida yangi imkoniyatlar ochadi. Shuningdek, yoshlar sonining ortishi, kelajakda innovatsion va texnologik rivojlanish uchun muhim resurs bo'lishi mumkin. Shu bilan birga, aholi sonining o'sishi, ijtimoiy xizmatlar va infratuzilma tizimlarining rivojlanishiga, ularni yangilash va takomillashtirishga urg'u berishni talab etadi.

Mashhura JO'RAQULOVA

Ishonch.uz