O'zbekistonga Malayziya va Indoneziyadan ziyorat turizmi doirasida jalb etilgan har bir sayyoh uchun 100 dollardan subsidiya ajratiladi
2026 yil yakuniga qadar O'zbekiston Respublikasi Turizm qo'mitasi tomonidan Malayziya va Indoneziyadan "Umra plyus" ziyorat turizmi dasturi asosida sayyohlarni jalb qilayotgan turoperatorlarga har bir sayyoh uchun 100 AQSh dollari miqdorida subsidiya ajratiladi. Bu haqda vazirlar Mahkamasining qarori qabul qilindi.
Iqtisod
723 14:22 | 11.01.2026 14:22
“Umra plyus” ziyorat turizmi dasturini amalga oshirishga qaratilgan qo'shimcha chora-tadbirlar to'g'risida”gi qarorga ko'ra, 2026-2027 yillarda Malayziya va Indoneziyadan “ziyorat turizmi” yo'nalishida sayyohlar oqimini 100 ming nafarga yetkazish bo'yicha tegishli yo'l xaritasi tasdiqlangan.
Hujjatda “Kuala Lumpur-Samarqand-Jidda-Kuala Lumpur”, “Kuala Lumpur-Buxoro-Jidda-Kuala Lumpur”, “Jakarta- Samarqand-Jidda-Jakarta”, “Jakarta- Buxoro-Jidda-Jakarta” turistik marshrutlari bo'ylab aviaqatnovlarni raqobatdardosh narxlarda ishlab chiqilishini va dasturda ishtirok etuvchi turkompaniyalarga taqdim etilishini ta'minlash vazifasi ham nazarda tutilgan.
Maqolaga baho bering
0/50
0
0
0
0