1 aprel' –xalqaro qushlar kuni: Qushlar haqida nimalarni bilasiz?
Er yuzida qushlarning 10694 turi ma'lum. O'zbekistonda qushlarning 22 turkumga oid 470 dan ortiq turi yashaydi. 51 turdagi qushlar "Qizil kitob"ga kiritilgan.
Qushlarning tana harorati odamnikiga nisbatan 7-8 darajaga yuqori. Ular terlamaydi.
Qushlarning yuragi parvoz paytida daqiqasiga 1000 marta, dam olish paytida esa bir daqiqada 400 marta uradi. Parvoz paytida laylaklar yerga cho'kmasdan uxlashi, kal burgut oyoqlarini yuqoriga ko'tarib, uchishi mumkin
Hajmi bo'yicha Tuyaqush eng katta qush bo'lib, bo'yi 2 metrdan oshadi.
Tuyaqushlar, kivilar, kazovarlar, dodoslar va pingvinlar ucha olmaydi. Kivining qanotlari, dumi ham yo'q, patlari esa junga o'xshaydi. Agar ichki a'zolari tuzilishi va tumshug'i bo'lmaganda, uni sut emizuvchilarga xos deb bo'lardi.
Qarg'alar inson nutqi va tovushlariga taqlid qila oladilar.
Umuman, qushlarning barcha turlari turli xususiyatlarga ega. Ona tabiatda ularning o'z o'rni bor.
Mақолага баҳо беринг
0/50
0
0
0
0