13 йил ўтиб адолат тикланди
Юсупбой Қўчқоров 2007 йилда “Шовот пахта тозалаш” АЖда агрономлик фаолиятини бошлаган эди. Мутахассис 2008 йилда иш берувчи буйруғи билан “Бўстон-Агроном” ММТПга юборилди. У уруғлик чигитни экиш, парваришлашга масъул эди.
Хизмат бурчини бажариш чоғида заҳарланиш оқибатида касб касаллигига чалинди. ТМЭКнинг 2010, 2017 ва 2023 йиллардаги хулосалари унинг аҳволи ёмонлашиб, 70 фоизгача меҳнат қобилиятини йўқотганини тасдиқлади. Юсупбой Қўчқоровга товон пули аввал “Шовот пахта тозалаш” АЖ, корхона тугатилгандан сўнг Бюджетдан ташқари пенсия жамғармасининг Шовот тумани бўлими томонидан тўланиб келди.
Ю.Қўчқоров товон пуллари камайиб кетганидан норози бўлиб, касаба уюшмаларига мурожаат қилди. 2024 йил 1 сентябрдан бошлаб Қўчқоров ойига 1 129 301 сўм олиши лозимлиги, амалда эса 514 724 сўм тўлангани аниқланди. Касаба уюшмалари бу қонун талабларига зид эканини кўрсатиб, жамғармага тақдимнома киритди, аммо ижро этилмаганидан кейин иш судга оширилди.
Суд даъвони қаноатлантириб, 2024 йил сентябрь – 2025 йил июл ойлари учун кам тўланган 6 145 762 сўмни Қўчқоров фойдасига ундирди. 2025 йил 1 июлдан унга ҳар ой 1 129 301 сўм тўлаш белгиланди.
Эркинбой Байжанов, Ўзбекистон касаба уюшмалари Федерацияси Хоразм вилояти кенгаши меҳнат техник инспектори
Долзарб мавзулар
Mақолага баҳо беринг
0/50
0
0
0
0