“Бир бўлсак – ягона халқмиз, бирлашсак – Ватанмиз!” – Президент мустақилликнинг ўттиз уч йиллигини нишонлашга доир қарорни имзолади
Президент Шавкат Мирзиёев Ўзбекистон Республикаси давлат мустақиллигининг ўттиз уч йиллик шонли санасини чинакам умумхалқ байрами, озодлик ва саодат айёми сифатида кўтаринки кайфиятда кутиб олиш ҳамда мамлакатимизнинг бугунги тараққиёт даражаси, юксалиш суръатларига муносиб тарзда нишонлаш мақсадида тегишли қарорини имзолади.
Унга кўра, байрамга тайёргарлик кўриш ва уни ўтказиш бўйича Бош вазир А.Арипов раислигида республика комиссияси таркиби тасдиқланди.
Жорий йилги байрам дастурлари “Бир бўлсак – ягона халқмиз, бирлашсак – Ватанмиз!” шиори остида ўтказилади.
Республика Маънавият ва маърифат маркази, Ёзувчилар уюшмаси билан биргаликда Тошкент шаҳрида Мустақиллик байрамига бағишлаб ўтказиладиган театрлаштирилган концерт томошасининг дастури ва сценарийсини ишлаб чиқади ва уни юксак ғоявий-бадиий савияда тайёрлаш чораларини кўради.
Белгиланишича, ўтказиладиган байрам тадбирлари Қорақалпоғистон Республикаси ва вилоятларда – тегишли маҳаллий бюджетларнинг қўшимча манбалари ҳамда жисмоний ва юридик шахсларнинг ҳомийлик хайриялари ҳисобидан, Тошкент шаҳрида эса Республика комиссияси томонидан тасдиқланган харажатлар сметасига мувофиқ Ўзбекистон Республикаси республика бюджети ва Тошкент шаҳар маҳаллий бюджети маблағлари ҳисобидан тенг улушларда молиялаштирилади.
Mақолага баҳо беринг
0/50
0
0
0
0