Бунинг учун асос талаб қилган навбатчи ҳамшира Н.Нигматовага ҳеч қандай асос бўлувчи ҳужжат кўрсатилмади. Негаки, у ҳужжатда ётоқ касалларини парваришловчи ҳамшираларнинг қисқартиришга тушганлиги кўзда тутилган эди. Ундан ўз хоҳиши билан ариза ёзишни талаб қилишди. Н.Нигматова эса, бунга қатъий қаршилик билдирди. Шундан сўнг, “яхши гап”га кўнмаган ходим икки ой давомида ишга қўйилмади. Алал оқибат, уни ишдан бўшатиш ҳақидаги буйруқ ҳам чиқарилди.

Анча пайт ишсиз қолиб судга мурожаат қилган фуқаро, Ўзбекистон Соғлиқни сақлаш ходимлари касаба уюшмаси Тошкент вилояти кенгашига судда мутахасис иштирокини таъминлаш ва манфаатини ҳимоя қилиш юзасидан мурожаат қилди. Дарҳол ишга киришган инспектор навбатчи ҳамшира Н.Нигматованинг меҳнат шартномаси иш берувчининг ташаббуси билан, яъни Меҳнат кодексининг 161-моддаси 2-қисми 2-банди бўйича, ишлар ҳажмининг қисқаришини важ қилиб, асоссиз равишда бекор қилинганлиги аниқлади. Фуқарони ишга тиклаш ва мажбурий прогулда юрган кунлари учун иш ҳақи тўланиши мақсадга мувофиқлиги бўйича судга фикрнома берилди.

Мазкур иш бўйича бир неча марта бўлиб ўтган судларда унинг ҳуқуқи тикланди: ишга тиклаш ва мажбурий прогуллар учун ҳақ ундирилиши бўйича қарор чиқарилди.

Муҳаммаджон Рўзметов,
Ўзбекистон Соғлиқни сақлаш ходимлари касаба уюшмаси
Республика Кенгашининг Тошкент вилояти бўйича меҳнат-ҳуқуқ инспектори