«Минг йилликнинг аёли», «Ҳиндистон Темир хоними» «Ҳиндистон халқининг онаси», дея тариф берилган Индира Гандининг ҳаёти ва фаолияти ҳақида кўп ёзилган. Биз бу машҳур аёл ҳақида энг кутилмаган фактларни ҳавола қилишга қарор қилдик.

◼️ Индиранинг тўлиқ исми — Индира Приядаршини, яъни “ой мамлакати, ёқимли», маъносини билдиради.

◼️ Индира Ганди нуфузли Европа таълимини олди. Лекин Оксфордга биринчи уринишда киролмади, чунки у лотин тили билан боғлиқ муаммоларга дуч келди.

◼️ Индира Ганди — машҳур Маҳатма Гандининг қариндоши эмас. Балки Ҳиндистоннинг биринчи Бош вазири Жавоҳарлаъл Нерунинг қизи.

◼️ Ганди – Индиранинг эри Ферознинг фамилияси. Улар ота-оналарининг хоҳишига қарши турмуш қуришди. Фероз Ганди –зардуштий, чет эллик. Каста тизимига эга Ҳиндистон учун бундай никоҳни тасаввур қилиб бўлмайди. Неру оиласи индуизмнинг юқори табақасига – браҳманларга тегишли.

◼️ Индира дунёдаги иккинчи аёл бош вазир бўлди (биринчиси Шри-Ланка Бош вазири Сиримаво Бандаранаике эди), лекин энг машҳури. Эҳтимол, британиялик Маргарет Тетчердан кейин иккинчи ўринда туради.

◼️ У аҳолининг ҳаддан ташқари кўпайиши муаммолари билан тубдан (лекин узоқ вақт эмас) курашди. 70-йилларда Ҳиндистонда аҳолини стерилизация қилиш чоралари кўрилди. Эркаклар вазектомия қилинди ва бунинг эвазига гарчи ҳамма учун етарли бўлмаса ҳам радиолар ёки пул мукофотлари берилди.

◼️ Индира онасидан эрта айрилган ва халқаро ташрифларда отаси Жавоҳарлаъл Неру қўл остида тез-тез биринчи хоним ролини ўйнаган. Шундай қилиб, 1955 йилда Неру ва Ганди СССРга ташриф буюришди. Улар ташриф давомида Москва, Сталинград, Ялта, Самарқанд ва Свердловск шаҳарларида бўлишган.

◼️ Индира Ганди ўзининг сикх қўриқчилари томонидан ўлдирилган. Бу «Блуэ Стар» операцияси учун қасос эди. Унинг оқибатида Амртисардаги асосий сикх зиёратгоҳи — «Олтин Маъбад» деярли бутунлай вайрон бўлди ва 500 га яқин одамлар ҳалок бўлди.

◼️ Индиранинг учта набирасидан бири — Варун Фероз Ганди Бҳаратия Жаната партиясининг бош котиби. Ундан олдин Неру-Ганди уруғининг барча вакиллари Ҳиндистон Миллий Конгрессининг – партиясининг мухолифат кучини бошқарган.

Анваржон ҲАЛИМОВ тайёрлади