Қирғизистон президенти Садир Жапаров давлат ташрифи билан Ўзбекистонга келади
Ташриф доирасида президент Садир Жапаров Ўзбекистон Президенти Шавкат Мирзиёев билан икки томонлама музокаралар ўтказади.
Қирғизистон президенти Садир Жапаров Президенти Шавкат Мирзиёевнинг таклифига биноан 18-19 июль кунлари давлат ташрифи билан Ўзбекистонда бўлади.
“Ташриф доирасида президент Садир Жапаров Ўзбекистон Президенти Шавкат Мирзиёев билан икки томонлама музокаралар ўтказади.
Томонлар ўзаро манфаатли барча йўналишлар бўйича икки томонлама ҳамкорликнинг долзарб масалаларини, шунингдек, Қирғизистон-Ўзбекистон муносабатларини ривожлантириш истиқболларини муҳокама қилади”, – дейди Қирғизистон президенти Администрацияси ташқи сиёсат бўлими мудири Муратбек Азимбакиев.
Ташриф доирасида, шунингдек, Садир Жапаров Қирғизистоннинг Ўзбекистондаги маданият кунлари расмий очилиш маросимида иштирок этади. Шу билан бирга, Қирғизистон ва Ўзбекистон давлат раҳбарлари иштирокида амалга оширилаётган икки томонлама лойиҳаларнинг очилиш маросими бўлиб ўтади.
Қолаверса, ушбу ташриф билан боғлиқ Қирғизистон-Ўзбекистон бизнес-форуми, Қирғизистон Республикаси ва Ўзбекистон Республикаси олий таълим муассасалари ректорлари форуми каби қатор тадбирлар ўтказилади.
Mақолага баҳо беринг
0/50
0
0
0
0