Иш жойларига қўйиладиган талаблар борми?
Савол: Қурилиш маҳсулотлари ишлаб чиқариладиган корхонага ишга боргандим, аммо шароитлари ёқмади. Қонун бўйича иш жойига қўйиладиган талаблар борми?
Жавоб: Иш жойлари жойлаштириладиган бинолар (иншоотлар) тузилишига кўра уларнинг белгиланган функционал мақсади ҳамда меҳнат хавфсизлиги ва меҳнатни муҳофаза қилиш талабларига мос бўлиши керак.
Ишлаш учун мўлжалланган асбоб-ускуналар белгиланган хавфсизлик нормаларига мос бўлиши, тегишли техник паспортларга (сертификатга), огоҳлантирувчи белгиларга эга бўлиши ва ходимлар хавфсизлигини таъминлаш учун тўсиқлар ёки ҳимоя воситалари билан таъминланган бўлиши керак.
Ходимларнинг бинодан чиқиши учун авария йўллари ва чиқиш жойлари белгиланган бўлиши, очиқ бўлиши ҳамда очиқ ҳавога ёхуд хавфсиз ҳудудга олиб чиқиши керак.
Хавфли зоналар аниқ белгиланган бўлиши керак. Агар иш жойлари ишнинг хусусияти туфайли ходим учун хавф мавжуд бўлган зоналарда жойлашган бўлса, бегона кишиларнинг бу зоналарга киришига тўсиқ бўладиган қурилмалар билан жиҳозланиши керак.
Ташкилот ҳудудида пиёдалар ва технологик транспорт воситалари хавфсиз шароитларда ҳаракатланиши керак.
Иш вақти давомида хоналарда ҳарорат, ёруғлик, шунингдек вентиляция санитария нормалари ва қоидаларига мос бўлиши керак.
ishonch.uz
Mақолага баҳо беринг
0/50
0
0
0
0