2022 йил 23 февралда Тошкент метросининг «Чилонзор» бекатида қурилган она-бола хонаси ва ҳожатхона таржиба-синовдан муваффақиятли ўтди. Метрополитен матбуот хизмати хабар беришича, яна шундай махсус хоналар ҳожатхона қуриш учун ер остида жойлашган “Буюк ипак йўли”, “Амир Темур хиёбони”, “Мустақиллик майдони”, “Пахтакор”, “Олмазор”, “Беруний”, “Чорсу”, “Дўстлик”, “Бодомзор” бекатлари танлаб олинган.

Шунингдек, ҳозирги вақтда“Буюк ипак йўли”, “Амир Темур хиёбони”, “ “Пахтакор ва “Беруний”, метро бекатларида қурилиш режаланган ҳожатхоналарнинг лойиҳа ҳужжатлари якуний босқичга киритилган.

Жорий йил ноябр ойи бошларида «Пахтакор» бекатида номаълум эркакнинг ҳожатини чиқариб кетгани акс этган видеолар тарқалиб, жамоатчилик муҳокамасига сабаб бўлганди. Бир гуруҳ фаоллар 47 йил аввал очилган метрополитен бекатларида ҳанузгача нима сабаб ҳожатхоналар ишга туширилмаганини танқид остига олганди.Ҳолат юзасидан «Тошкент метрополитени» расмий муносабат ҳам билдирганди. Унга кўра, шу йил 27 сентябрда бўлган бу воқеа юзасидан ҳуқуқ-тартибот идоралари ходимлари суриштирув олиб боришган. Фуқаронинг шахсига аниқлик киритилиб, белгиланган тартибда унга нисбатан терговга қадар суриштирув ишлари амалга оширилаётгани таъкидланган.

Ishonch.uz