“Янги ижтимоий шартнома: Европа ва Марказий Осиё касаба уюшмалари нигоҳида” мавзусидаги халқаро конференция давом этмоқда.
Мавлуда Ходжаева, конференция иштирокчиси:
– Меҳнат конунчилигимизда иш берувчилар зиммасидаги юкламалар жуда ҳам кўп. Биз уларни пасайтирсак, норасмий секторда ишлаётган ишчиларнинг ҳам меҳнат муҳофазасини, ҳам ижтимоий химоясини, ҳам расмий сектордаги иш ўринларини легаллаштиришга эришган бўламиз. Оддийгина мисол, норасмий секторда ишлаётган хотин-қизлар декретга чиққан пайтда декрет пулини ололмаяпти. Бизнинг давлатимизда ана шу пулнинг маълум қисми ижтимоий суғурта фонди томонидан тўланяпти. Шунинг учун биз давлат ижтимоий суғуртаси тўғрисидаги Ўзбекистон Республикаси қонунини қабул қилишни илгари суряпмиз. Бу қонунда асосан иш берувчилар зиммасидаги юкламаларни пасайтириш орқали, мана шу расмий сектордаги хизматларни кўпайтириш ва шу орқали камбағалликни қисқартиришга эришамиз. Бу қандай бўлади?
Давлат ижтимоий суғурта фондидаги маблағлар ҳисобидан биз босқичма-босқич ўтишни режа қиляпмиз. Албатта, буни қонунчиликдаги асосини яратганимиздан кейин дастлаб биз хотин-қизларимизга декрет пулларини мана шу ижтимоий суғурта фонди орқали тўлашни режалаштиряпмиз.
Иккинчи босқич эса ишчи-ходимлар касал бўлиб, касаллик варақасига чиққанда хусусий секторда уни тўламаслик ҳолатлари билан боғлиқ. Шу нуқтаи назардан, мана шу касаллик таътилига чиққанда ушбу маблағни ҳам ижтимоий суғурта фондидан тўлашни ва кейинчалик ишсиз қолган ишчиларга ҳам шу ижтимоий суғурта фонди орқали амалга оширишни йўлга қўйсак, жуда катта натижага эришган бўлардик.
Долзарб мавзулар
Mақолага баҳо беринг
0/50
0
0
0
0