Олимпия шаҳарчасида Ўзбекистон давлат спорт академияси ташкил қилинади – Президент
Бу ҳақда кеча, 23 май куни Президент Шавкат Мирзиёев иштирокида бўлиб ўтган спорт таълимини ривожлантиришга доир йиғилишда маълум қилинди.
2025/2026 ўқув йилидан бошлаб, академияга 3 та бакалавр йўналиши ва 6 та магистратура мутахассислиги бўйича қабул бошланади. Битирувчи талабаларга тўғридан-тўғри 6 йиллик тренерлик малака сертификати берилади. Олимпия ва паралимпия коллежларидан селекция қилинган битирувчилар тўғридан-тўғри иккинчи курсга қабул қилинади.
Қайд этилишича, ушбу муассаса ҳузурига Жисмоний тарбия ва спорт илмий тадқиқот институти ҳамда Мутахассислар малакасини ошириш институти ҳам ўтказилади. Академия тизимида Спорт тиббиёти илмий-амалий маркази, Ахборот кутубхона маркази, Ўзбекистон тарихи ва хорижий тилларни ўқитиш маркази очилади.
Шундан келиб чиқиб, мутасаддиларга кафедралар ва ўқув дастурларини илғор хорижий тажрибаси асосида ташкил этиш, юқори малакали мутахассисларни жалб қилиш бўйича топшириқлар берилди.
Эслатиб ўтамиз, айни пайтда бунёд этилаётган Олимпия шаҳарчасида келгуси йили ёшлар ўртасида ёзги Осиё ўйинлари ўтказилади.
Долзарб мавзулар
Mақолага баҳо беринг
0/50
0
0
0
0