Бельгиялик ҳайкалтарош Томас Лерой «Тафаккур вазни» ҳайкалини яратиб, дунёга бир зумда машҳур бўлган инсонлардан. У ўзининг шунга ўхшаш бошқа бир қанча ҳайкаллари орқали «одамлар ўз танловларининг оқибатларини кўтаришга маҳкум»лигини кўрсатишга ҳаракат қилган.

Баъзи мутахассислар унинг асарлари ҳақида гапириб: "Ҳайкалтарош асарлари орқали қутилиб бўлмайдиган фикрлар, оғир хотиралар инсонни ўлдиришини акс эттирган" , - дейди. Томас Леройнинг асарлари сизни ҳаёт ҳақида ўйлашга ва инсонлар зиммасидаги ҳалокат, иллат, ўлим оғирлигини тушунишга мажбур қилади.

Томас Лерой карикатура юмор техникаси орқали бошнинг номутаносиб катталашганини акс эттирган. У «Фикр оғирлиги» ёки «Оғир фикрлар» ҳайкали, дейилади. Ушбу ҳайкал Калифорнияда жойлашган.

Ҳа, нима десангиз ҳам, фикрлар баъзан тинчлик бермайди ва ҳатто одамни уйқудан маҳрум қилади. Томас Лерой бронзадан ясалган яна шундай кўплаб ҳайкалчалар туркумини яратди, уларда инсон тафаккури одамни қандай чарчатаётгани, унинг тинч-тотув яшаши ва ишлашига имкон бермаслигини кўрсатади. Ҳайкаллар номутаносиб ва ​​аралаш туйғуларни уйғотади. Улар сизни бирор нарса ҳақида ўйлашга, фикр юритишга мажбур қилади. Улар қайсидир маънода доноликка ҳам ишора қилиши мумкин.

Мафтуна Каримова