Эҳтиёжга қараб олий маълумотли кадрларни тайёрлашнинг янги тизими йўлга қўйилади
Бунда, жумладан, олий маълумотли кадрларга бўлган давлат буюртмаси тегишлича жамланган маълумотлар ва меҳнат бозори талабини таҳлил қилиш асосида аниқланади.
Жамият
248 11:50 | 31.01.2025 11:50
Эндиликда олий маълумотли кадрларга бўлган давлат буюртмаси Махсус электрон платформа (Платформа) орқали шакллантирилади.
Ҳукуматнинг 49-сон-қарорига мувофиқ, 2025/2026 ўқув йилидан:
- олий маълумотли кадрларга давлат буюртмаси Платформада жамланган маълумотлар ва меҳнат бозори талабини таҳлил қилиш асосида аниқланади;
- кадрларга бўлган эҳтиёж 4 йиллик даврга ишлаб чиқилиб, ҳар йили меҳнат бозорининг ўзгариш тенденциялари, ҳудудларда ижтимоий соҳа муассасалари ва иқтисодиёт тармоқларини кадрлар билан таъминлашни инобатга олган ҳолда, Платформага тегишли тузатишлар киритиб борилади.
Платформага қуйидаги маълумотлар киритиб борилади, жумладан:
- иқтисодиёт тармоқларида расман банд бўлган аҳоли сони;
- давлат ва нодавлат ОТМлари битирувчиларининг ўқишни тамомлагандан сўнг расман бандлиги тўғрисидаги маълумотлар;
- меҳнат ресурслари баланси, меҳнат бозорида мавжуд бўш иш ўринлари, иқтисодий фаолият турлари бўйича бандлик даражаси ҳақида;
- “Олий таълим жараёнларини бошқариш (НEMIS)” ахборот тизимида мавжуд битирувчилар ва ОТМлар тўғрисида.
2025 йилдан 4 йиллик давр учун давлат буюртмаси параметрларини олий маълумотли кадрларга бўлган талаб прогнозига мувофиқ равишда тасдиқлаш учун таълим ташкилотларига қабул қилиш бўйича давлат комиссиясига ҳар йили 1 майга қадар киритиш таъминланади.
Долзарб мавзулар
Mақолага баҳо беринг
0/50
0
0
0
0