Тошкентда давлат мактабларининг бири пуллик таълимни йўлга қўйган. Расмийлар ҳолатга изоҳ берди
Бир муддат олдин ижтимоий тармоқларда Тошкент шаҳридаги 6-сонли мактабда 3 та фан бўйича тўлов асосида ўқитиладиган синф ташкил этилгани ва ойлик тўлови 300 минг сўм экани ҳақида хабарлар тарқалган эди.
Тошкент шаҳар мактабгача ва мактаб таълими бошқармаси берган расмий маълумотга кўра, ушбу ҳолат ҳақиқатда пойтахтнинг Сергели туманида жойлашган 6-сонли мактабда кузатилган.
“Пойтахтимиздаги барча давлат умумтаълим мактабларида дарслар тўлиқ бепул ўтилади. Фақатгина ҳар бир таълим муассасасида бюджетдан ташқари маблағ топиш мақсадида ўқувчиларга дарсдан кейин Ҳукуматнинг 2019 йил 22 апрелдаги “Халқ таълими вазирлиги тизимидаги умумий ўрта таълим муассасаларида пуллик таълим хизматларини кўрсатиш тартиби тўғрисида”ги 343-сонли қарори билан тасдиқланган Низомга биноан шартнома асосида пуллик қўшимча тўгараклар ҳамда машғулотлар ўтиш, куни узайтирилган гуруҳлар фаолиятлари йўлга қўйилган”, – дейилади ахборотда.
Қайд этилишича, айни пайтда Сергели туманидаги 6-сонли ихтисослаштирилган давлат умумтаълим мактабида ҳам юқоридаги Қарор асосида бир қатор ишлар амалга ошириляпти. Мактабда анъанавий дарслар бепул олиб борилади. Ота-оналарнинг истак-хоҳишларига кўра эса таълим масканида мактаб билан тузилган ўзаро шартнома асосида пуллик қўшимча дарслар, тўгараклар, куни узайтирилган гуруҳлар ташкил этилган.
Долзарб мавзулар
Mақолага баҳо беринг
0/50
0
0
0
0