Ўзбекистон ва Қирғизистон маҳкумларни топширишга доир шартномага киришяпти
Шартномага кўра, томонларнинг марказий органлари — Ўзбекистон ва Қирғизистон Бош прокуратуралари этиб белгиланган.
Бу борадаги ҳужжат лойиҳаси Қирғизистон Жогорку Кенеши ҳамда Ўзбекистон парламенти Қуйи палатаси томонидан қабул қилинди.
Қайд этилишича, ушбу қонун лойиҳаси 2024 йил 18 июль куни Тошкентда имзоланган Ўзбекистон билан Қирғизистон ўртасида озодликдан маҳрум этилган шахсларни жазони ўташни давом эттириш учун топшириш тўғрисидаги Шартномани ратификация қилади.
Унинг асосий мақсади — маҳкумларнинг жазони ўз фуқароси бўлган давлатда ўташлари яъни маҳкумлар ўз ватанида, оиласи яқинида жазони ўташ имконияти яратишга қаратилган. Шартномада жазо муддатини ўтаётган маҳкумларни ҳукмни ижро этиш учун ўз давлатига топшириш асослари, шартлари ҳамда тартиблари аниқ кўрсатиб ўтилган.
Қирғизистон бош прокурори ўринбосари Умуткан Конкубаеванинг маълум қилишича, айни пайтда Ўзбекистонда Қирғизистоннинг 42 нафар, Қирғизистонда эса 97 нафар Ўзбекистон фуқароси жазони ўтамоқда.
Бу фуқароларнинг барчаси ўз ватанида жазони ўташда давом этади.
Долзарб мавзулар
Mақолага баҳо беринг
0/50
0
0
0
0