Журналистлар ўртасида волейбол ва бадминтон мусобақалари ўтказилади
Ўзбекистон Журналистлар уюшмаси ҳамда уюшманинг Тошкент шаҳар бўлими Ўзбекистон Касаба уюшмалари Федерацияси Жисмоний тарбия ва спорт соғломлаштириш ишлари бошқармаси УК кўмагида 27 июнь – Матбуот ва оммавий ахборот воситалари ходимлари куни муносабати билан жорий йилнинг 19-22 июнь кунлари журналистлар ўртасида спортнинг волейбол ва бадминтон турлари бўйича спорт мусобақалари ўтказади.
Мусобақалар ҳар икки спорт тури бўйича эркаклар ва аёллар ўртасида ташкил этилади.
Волейбол мусобақасида беллашувчи ҳар бир жамоа таркиби 6 кишидан иборат бўлади. Бадминтонда эса ОАВ вакиллари якка тартибда иштирок этади.
ОАВ таҳририятлари масъуллари волейбол бўйича жамоавий ва бадминтон ўйинида якка ва жуфтлик тартибида иштирок этиш истагини билдирган журналистлар ҳақидаги маълумотларни жорий йилнинг 15 июнига қадар Ўзбекистон Журналистлар уюшмасига маълум қилишларини сўраймиз.
Мамлакатимиздаги барча марказий оммавий ахборот воситалари жамоалари ва ходимларини мазкур спорт беллашувларида якка ва жамоавий тартибда иштирок этишга чорлаймиз.
Эслатиб ўтамиз, ҳар бир жамоа аъзоси ҳамда якка тартибдаги иштирокчи ўз ташкилоти номи ва рамзи туширилган бир хил спорт формасида бўлиши талаб этилади.
Мусобақа ўтказиладиган манзил ва ўйиннинг бошланиш вақти ҳақида қўшимча маълумот берилади.
Боғланиш учун телефон: (97) 710-20-28. (99) 077-62-32
Mақолага баҳо беринг
0/50
0
0
0
0